المتحف والملل

عمرك زرت متحف أو منطقة أثرية وحسيت بملل رهيب وتوهان وانك مش فاهم يعني ايه الحلو في اللوحة العجيبة دي و ايه المميز في شوية الأحجار المرصوصة فوق بعض؟
طب جربت تروح نفس المتحف دة بعد دراسة وتفتيش في الكتب والويكيبيديا والجوجل؟
طب جربت فوق الدراسة تعمل أي زيارة من دول مع مرشد سياحي متخصص؟؟
أنا جربت وأحب أؤكد لك أن ما فيش مقارنة نهائياً
زيارتي للمتحف لوحدي عبارة عن تمشية عابرة بأتفرج فيها في السريع على القطع واللوحات…مش فاهم ايه الفرق و ليه دي قبل دي وايه علاقة الفنان دة باللي جنبه وايه أهمية العمل دة في الفترة الزمنية دي
اهه في الآخر كله زي بعضه وزيد زي عبيد وماتحبكوهاش أوي
لكن نفس المتحف اللي خلصت زيارته لوحدي في نص ساعة كان محتاج مش أقل من ٦ ساعات على يومين مع المرشد (ودة مجرد عشان نشوف الأساسية-Masterpieces

...مع المرشد، فجأة اللي كان بالنسبة لي مجرد رسمة وشخبطة أصبح حكاية عميقة عن الشخص اللي ورا العمل دة
عن سبب ابداعه وسر مهارته…
عن عبقرية اختيار الزمن والتوقيت وعن علاقته باللي قبله وتأثيره على اللي جاي…
زيارتي للمتحف اتقلبت ١٨٠ درجة والنصف الساعة اللي كنت عاوز أنجزها من الملل كان ممكن أقضيها بتفرج على لوحة واحدة!

لو زيارتك للكتاب المقدس زي زيارتي للمتحف قبل المرشد…ما تقلقش…ناس كتير “بتزور” الكتاب زيارة عابرة ومش فاهمة…بتزور “كام لوحة - آية” وقت اللزوم والشدة وتخلص زيارة في السريع!
لكن صدقني أنت بجد مش لوحدك…لأن اللي كتب الكتاب موجود معاك…جواك ودوره الأساسي انه يكون “المرشد” وسط الصفحات يفتح عينين ذهنك وقلبك على كل اللي مكتوب عشانك وليك…

دور فتش ادرس وادخل العمق والمرشد مش حيسيبك لوحدك“وأمّا مَتَى جاءَ ذاكَ، روحُ الحَقِّ، فهو يُرشِدُكُمْ إلَى جميعِ الحَقِّ، لأنَّهُ لا يتَكلَّمُ مِنْ نَفسِهِ، بل كُلُّ ما يَسمَعُ يتَكلَّمُ بهِ، ويُخبِرُكُمْ بأُمورٍ آتيَةٍ.”
‮‮يوحَنا‬ ‭16:13‬

!خلينا منورين

The Daily School Sandwich ... !ساندويتش جبنة بيضا بالخيار

I am sure that school days left endless memories in the mind and heart of each one of us, it even left a special taste in your mouth...and probably that s the taste of your daily mom-prepared Sandwich (I specially recall the famous جبنة بيضة بالخيار), she knew you need to be well nurtured for your tough school day...and she made sure you don't come back with it, an uneaten sandwich means you munched on Junk food (شيبسي و شمعدان و جيلي كولا)! Looking back I just realize the amount of love this simple daily sandwich meant...A Motherly Care incomparable!

Couple of thousands year back, Jesus spent on a mountain next to Galilee sea for three days, receiving multitudes of people just to bless and heal, where blind could see, crippled walk and mute speak. On the third day, 

"Jesus called His disciples to Him and said, I have pity and sympathy and am deeply moved for the crowd, because they have been with Me now three days and they have nothing [at all left] to eat; and I am not willing to send them away hungry, lest they faint or become exhausted on the way." (Matthew 15:32 AMP)
وأمّا يَسوعُ فدَعا تلاميذَهُ وقالَ: «إنّي أُشفِقُ علَى الجَمعِ، لأنَّ الآنَ لهُمْ ثَلاثَةَ أيّامٍ يَمكُثونَ مَعي وليس لهُمْ ما يأكُلونَ. ولَستُ أُريدُ أنْ أصرِفَهُمْ صائمينَ لئَلّا يُخَوِّروا في الطريقِ». (15 مَتَّى:32 )

Can you imagine the glory of being there witnessing endless miracles, seeing the Lord in action...For sure Food would be the least on my mind! But Jesus felt their unspoken need and fed 4000 with just seven loaves of bread. HE did not want them to FAINT ON THE WAY BACK!!!

WOW!

Spiritually, Jesus knows the way back n the world will be even tougher and He wants you ready and fully equipped not to faint, but to be always sustained with power, authority and faith to walk the path of life...telling all around you the good news you have seen happening, not on three days of miracles the crowd witnessed, but a lifetime walk next to you!

Don't Munch on Junk "Food", You'll need Your "Godly-Made Daily Sandwich" to get you through the school of life!

Keep Shining my Friends!

!ساندويتش جبنة بيضا بالخيار
انا متأكد ان ايام المدرسة سايبه ذكريات كتير في قلوبنا وعقولنا، يمكن كمان في بوءنا :)
 وغالباً الطعم ده هيكون طعم الساندويتشات اللي كانت امهاتنا بيعملوها كل يوم ( خصوصاً ساندويتش جبنه بالخيار) دايماً الامهات عارفة قد ايه محتاجين نتغذي علشان نستحمل اليوم الطويل في المدرسة، كان أهم حاجة تأكد عليها اننا مانرجعش بالسندويتش معانا لأن ده معناه اننا أكلنا " أي عك" شيبسي ، شمعدان ، چيلي كولا

وكل ما افتكر الايام دي أعرف قد ايه الشاندويتش ده معناه حب وعناية مخصوصة، مفيش زي اهتمام امهاتنا
 كمان من الفين سنة يسوع قضى ثلاث ايام ، على جبل جنب مدينة الجليل، بيشفي ويبارك الجموع، كان العميان بيشوفوا...العرج بيمشوا والخرس بيقدروا يتكلموا
لكن... وبعد ٣٣ ايام يسوع جمع تلاميذه وقال انه بيشفق على الجموع ،ولازم يأكلهم وإلا يرهقوا ويقعوا في الطريق لبيوتهم

وأمّا يَسوعُ فدَعا تلاميذَهُ وقالَ: «إنّي أُشفِقُ علَى الجَمعِ، لأنَّ الآنَ لهُمْ ثَلاثَةَ أيّامٍ يَمكُثونَ مَعي وليس لهُمْ ما يأكُلونَ. ولَستُ أُريدُ أنْ أصرِفَهُمْ صائمينَ لئَلّا يُخَوِّروا في الطريقِ». (15 مَتَّى:32 )

هل ممكن تتخيل المجد العظيم انك تكون واقف وشايف الرب يسوع بنفسه بيعمل معجزات لا تنتهي ،أكيد آخر حاجة ممكن تفكر فيها هي .. الأكل
لكن يسوع فكر في احتياجاتهم من غير ما يقولوها، وأطعم ٤٠٠٠٠ نفس بسبع ارغفة! مكنش عاوزهم يقعوا في الطريق من كتر التعب
!! يااااااه

لكن على المستوى الروحي
 يسوع عارف انك بعد ما تتقابل معاه وتعاين مجده ، رجوعك للعالم تاني هيكون مهمة صعبة وشاقة، وعلشان كدة عاوزك تكون جاهز ومستعد ومتقعش من التعب، عاوز تكون قوي وعندك سلطان وإيمان تكمل بيهم طريق الحياة!
 تقدر ساعتها تعلن لكل الناس الخبر الرائع اللي اختبرته وتشهد ان معجزاته مش لثلاث ايام لكن لعمر كامل يكون فيه يسوع رفيق حياتك!
أنصحك متعتمدش على junk food

انت محتاج ساندويتشات إلهية، غذاء حقيقي يقويك كل أيام " مدرسة الحياة"
 خلينا منورين

!!كفاية كومفورت زون

 تعرف ان الانسان طول ما فيه حياة فهو في نمو مستمر ودائم؟ دي حقيقة اثبتها علماء ألمان ان ودن (أذن) ومناخير (أنف) الانسان هما العضوين اللي بيكملوا ينمو طول العمر! يعني عندنا امل اننا حتى لو مع السن بنكِش لكن لسه فينا اعضاء بتتحدى الزمن وتنمو

!بمعنى آخر، الجسد يموت لما النمو يقف

و ايه علاقة دة بدايرة الراحة؟؟

..أقولك

دايرة الراحة دي "حالة" ما فيهاش إلتزام، ما فيهاش تحدي، ما فيهاش تجديد أو تغيير ، مافيهاش نمو...و اللي ما فيهوش نمو، زي ما اتفقنا، بيكون فيه موت!

ودة ايه علاقته بحياتنا الروحية؟

هل في حاجة اسمها دايرة الراحة الروحية...ايوة في! وبيكون اسمها الفتور الروحي، دة بيكون الوضع اللي الانسان بيكون مكتفي بوضعه ومستواه الروحي وحاسس انه كويس واهه احسن من غيره

ما بيعملش حاجة وحشة ولما بيعمل، بيصلحها بحاجة كويسة يرضي بيها ضميره

!بس روحياً هو محلك سر...بلا تغيير تقدو او نمو

من أشهر الآيات اللي تِخُض في الكتاب المقدس وبتكلم كل واحد وواحدة قرروا يعيشوا في دايرة الراحة هي رؤية ٣: ١٦

“هكذا لأنَّكَ فاتِرٌ، ولَستَ بارِدًا ولا حارًّا، أنا مُزمِعٌ أنْ أتَقَيّأكَ مِنْ فمي.”

الله خلقنا عشان نسعى في النمو والكمال والدخول للعمق...عشان ننطلق!

دة كلام المسيح مش كلامي...راجع آخر وصية قالها قبل صعوده "إذهبوا..."

صدقني لو انت فاكر ان المسيحية دعوة لحياة الراحة والرخاء...تبقى غلطت في العنوان!
 الكومفرت زون هي الحدود اللي بنرسمها لنفسنا واللي بيقنعنا بيها ابليس عشان ما ندخلش لعمق اكبر وننمو في النعمة اكتر ونحقق رسالتنا اللي اتخلقنا !عشانها

وللحديث عن الكومفورت زون بقية.
! خلينا منورين

!اوعى السين تبقى صاد

: جربت تسوق عربيتك ورا واحد صاحبك وتفضل سايق ورا عربيته عشان هو اللي عارف العنوان…وتفاجأ وهو بيكلمك ويسألك
“أنت فين؟ أنا وصلت خلاص وما لقيتكش ورايا”
 وساعتها تدرك انك ماشي ورا عربية تانية من غير ما تفحص وتدقق في أرقام لوحة العربية…مشيت وراها بالشبه لأن كان ليها نفس الهيئة…وفي الآخر لقيت نفسك تايه

زي ما تبعت عربية تانية، بتعجبني أوي الآية دي عن التبعية في حياتنا
“هكذا قالَ الرَّبُّ: «ماذا وجَدَ فيَّ آباؤُكُمْ مِنْ جَوْرٍ حتَّى ابتَعَدوا عَنّي وساروا وراءَ الباطِلِ وصاروا باطِلًا؟” ‮‮إرمياا‬ ٢: ٥أخدت بالك أن الحرف هنا يقتل…الله عاوز ينبهك وينبهني: “إوعى السين تبقى صاد”
اتصدمت لما أدركت الحقيقة دي…كل “سين” في حياتنا مصيرها تبقى “صا"
!كل “ساروا” حتتحول “صاروا”
 ساروا وراءَ الباطِلِ وصاروا باطِلً

بأصلي النهاردة انك تراجع كل “سين” في حياتك…كل فكر بتتبعه، كل شخص بتعمله “Follow”، كل أسلوب حياة بتمشي ورا
زي عربية صاحبك…راجع…افحص…اختبر…دقق…وفوق كل دة صلي واطلب ارشاد من الروح
! لأن يوما ما اللي أنت بتسير وراه حتصبح تصير زيه… وخايف ندرك بعد فوات الآوان اننا تايهين

خلينا منورين