أشكرك انه مكتوب..

:أشكرك انه مكتوب
وأمّا "الأمرُ الّذي فعَلهُ" داوُدُ فقَبُحَ في عَينَيِ الرَّبِّ. صَموئيلَ الثّاني‬ ١١: ٢٧:و مش مكتوب
وأمّا "داوُدُ" فقَبُحَ في عَينَيِ الرَّبِّ.-------------
...أشكرك انك تكره الخطية ولا تكرهني أنا الخاطي
...أشكرك انك تنظر لدواخلي وليس إلى ثيابي المتسخة
...أشكرك انك بترفض الشر اللي بأعمله ومش بترفض قلبي المنكسر
!أشكرك انك بتقبلني زي ما أنا...لأني أبداً لن أقبح في عينيك

خلينا منورين

اخدت بالك ان إلهنا بيدينا اكثر جداً مما نطلب او نفتكر!

كنت فاكر ومكتفي ان "كل آلة صُورِت ضدي لا تنجح" إشعياء ٥٤: ١٧
لكن اكتشفت ان الله ممكن يحول كل آلة صورت "ضدي" لآلة صورت "لصالحي" بشرط واحد لما أكون طالب مجده هو مش عظمتي أنا
ودة اللي كان طالبه داوود

داوود وقف قدام اكبر سلاح، سيف جليات، وهزمه بالقوة المعطى له من الأعالي...مش من افتخار ذاتي
:نفس السيف اللي كان حيقضي على داوود
“فقالَ داوُدُ للفِلِسطينيِّ (جليات): «أنتَ تأتي إلَيَّ بسَيفٍ وبرُمحٍ وبتُرسٍ، وأنا آتي إلَيكَ باسمِ رَبِّ الجُنودِ إلهِ صُفوفِ إسرائيلَ الّذينَ عَيَّرتَهُمْ.”
‮‮صَموئيلَ الأوَّلُ‬ ‭17:45‬ :هو السيف اللي الله سلمه لداوود لما كان بيتحارب وحده
“وقالَ داوُدُ لأخيمالِكَ: «أفَما يوجَدُ هنا تحتَ يَدِكَ رُمحٌ أو سيفٌ، لأنّي لَمْ آخُذْ بيَدي سيفي ولا سِلاحي لأنَّ أمرَ المَلِكِ كانَ مُعَجِّلًا؟». فقالَ الكاهِنُ: «إنَّ سيفَ جُلياتَ الفِلِسطينيِّ الّذي قَتَلتَهُ في وادي البُطمِ، ها هو مَلفوفٌ في ثَوْبٍ خَلفَ الأفودِ، فإنْ شِئتَ أنْ تأخُذَهُ فخُذهُ، لأنَّهُ ليس آخَرُ سِواهُ هنا». فقالَ داوُدُ: «لا يوجَدُ مِثلُهُ، أعطِني إيّاهُ».”
‮‮صَموئيلَ الأوَّلُ‬ ‭21:8-9‬

...كل واحد فينا له "جليات" الروحي اللي بيحارب فيه
!خليك زي داوود، قلبك غيران على مجد إلهك، مجد لا ينزعه ولا يطرحه أي جليات...لأن رب الجنود معنا

!خلينا منورين

إتكلم...صح! أو معايير الكلام

في الزمن اللي احنا عايشين فيه، زمن التواصل (the era of hyper-communication)، الكلام سواء مكتوب و منطوق أصبح تأثيره قوي جداً جداً

:عشان كدة حبيت أشارك معاكم "من الكتاب المقدس" بعض المعايير لإختيار الكلام والطريقة اللي هنعبر بيها عن رأينا١-اول حاجة الكلام لازم يكون " مصلح بملح" الكلام طعمه حلو ومظبوط، لاهو مالح اوي يرفع الضغط ويترفض بسببه الوجبة كلها ولا يكون الملح فيه مايع والحق اللي في الكلام قليل.
“لِيَكُنْ كَلَامُكُمْ كُلَّ حِينٍ بِنِعْمَةٍ، مُصْلَحًا بِمِلْحٍ، لِتَعْلَمُوا كَيْفَ يَجِبُ أَنْ تُجَاوِبُوا كُلَّ وَاحِدٍ.”
‮‮كُولُوسِّي‬٤: ٦٢-الكلام لازم ميكونش بيوجع ، ميهيجش غضب اللي قدامي، كلام لين يكسب اللي بيسمعني. 
“الجَوابُ اللَّيِّنُ يَصرِفُ الغَضَبَ، والكلامُ الموجِعُ يُهَيِّجُ السَّخَطَ.” أمثالٌ‬١٥: ١٣- الكلام كمان لازم يكون صالح وسليم ،بيبني اللي قدامك مش بيهدمه، مش كلام محبط لان ممكن الكلمة تهد إنسان وتحسسه انه مفيش منه أمل، وممكن يكون كلام يهد علاقته بربنا مش يبنيها. و كمان لازم يكون حسب احتياج كل واحد، حسب تفكيره وثقافته وامكانياته
“لا تخرُجْ كلِمَةٌ رَديَّةٌ مِنْ أفواهِكُمْ، بل كُلُّ ما كانَ صالِحًا للبُنيانِ حَسَبَ الحاجَةِ، كيْ يُعطيَ نِعمَةً للسّامِعينَ.” أفَسُسَ‬٤: ٢٩٤- الكلام لازم يسبقه " سمع" ، لازم تسمع وجه نظر اللي قدامك لأن الاندفاع من اكتر الحاجات اللي فيها وقاحة في الحوار، كأنك بتقول للي قدامك رأيك غلط!
“إذًا يا إخوَتي الأحِبّاءَ، ليَكُنْ كُلُّ إنسانٍ مُسرِعًا في الِاستِماعِ، مُبطِئًا في التَّكلُّمِ،” يعقوبَ‬ ١: ١٩٥- كل واحد بيعلم لازم يكون في اسلوبه "قدوة" للي حواليه، متعب جدا لما يكون حد في مكان قيادة وكلامه جارح او هدام 
“لا يَستَهِنْ أحَدٌ بحَداثَتِكَ، بل كُنْ قُدوَةً للمؤمِنينَ: في الكلامِ، في التَّصَرُّفِ، في المَحَبَّةِ، في الرّوحِ، في الإيمانِ، في الطَّهارَةِ." تيموثاوُسَ الأولَى‬٤: ١٢٦- عارفين المثل بتاع لف لسانك ٧ مرات قبل ما تتكلم...المثل دة مبني على مبدأ كتابي في سفر الامثال بيقول التالي
“قَلبُ الصِّدّيقِ يتَفَكَّرُ بالجَوابِ، وفَمُ الأشرارِ يُنبِعُ شُرورًا.” أمثالٌ١٥: ٢٨

في النهاية انت بتوصل بالكلام انك تسيب في اللي قدامك حالة "فرح" مش حالة "غضب "
“لِلْإِنْسَانِ فَرَحٌ بِجَوَابِ فَمِهِ، وَٱلْكَلِمَةُ فِي وَقْتِهَا مَا أَحْسَنَهَا!”
‮‮أَمْثَال٥١: ٣٢

خلينا منورين (متى ٥:  ١٦

المتحف والملل

عمرك زرت متحف أو منطقة أثرية وحسيت بملل رهيب وتوهان وانك مش فاهم يعني ايه الحلو في اللوحة العجيبة دي و ايه المميز في شوية الأحجار المرصوصة فوق بعض؟
طب جربت تروح نفس المتحف دة بعد دراسة وتفتيش في الكتب والويكيبيديا والجوجل؟
طب جربت فوق الدراسة تعمل أي زيارة من دول مع مرشد سياحي متخصص؟؟
أنا جربت وأحب أؤكد لك أن ما فيش مقارنة نهائياً
زيارتي للمتحف لوحدي عبارة عن تمشية عابرة بأتفرج فيها في السريع على القطع واللوحات…مش فاهم ايه الفرق و ليه دي قبل دي وايه علاقة الفنان دة باللي جنبه وايه أهمية العمل دة في الفترة الزمنية دي
اهه في الآخر كله زي بعضه وزيد زي عبيد وماتحبكوهاش أوي
لكن نفس المتحف اللي خلصت زيارته لوحدي في نص ساعة كان محتاج مش أقل من ٦ ساعات على يومين مع المرشد (ودة مجرد عشان نشوف الأساسية-Masterpieces

...مع المرشد، فجأة اللي كان بالنسبة لي مجرد رسمة وشخبطة أصبح حكاية عميقة عن الشخص اللي ورا العمل دة
عن سبب ابداعه وسر مهارته…
عن عبقرية اختيار الزمن والتوقيت وعن علاقته باللي قبله وتأثيره على اللي جاي…
زيارتي للمتحف اتقلبت ١٨٠ درجة والنصف الساعة اللي كنت عاوز أنجزها من الملل كان ممكن أقضيها بتفرج على لوحة واحدة!

لو زيارتك للكتاب المقدس زي زيارتي للمتحف قبل المرشد…ما تقلقش…ناس كتير “بتزور” الكتاب زيارة عابرة ومش فاهمة…بتزور “كام لوحة - آية” وقت اللزوم والشدة وتخلص زيارة في السريع!
لكن صدقني أنت بجد مش لوحدك…لأن اللي كتب الكتاب موجود معاك…جواك ودوره الأساسي انه يكون “المرشد” وسط الصفحات يفتح عينين ذهنك وقلبك على كل اللي مكتوب عشانك وليك…

دور فتش ادرس وادخل العمق والمرشد مش حيسيبك لوحدك“وأمّا مَتَى جاءَ ذاكَ، روحُ الحَقِّ، فهو يُرشِدُكُمْ إلَى جميعِ الحَقِّ، لأنَّهُ لا يتَكلَّمُ مِنْ نَفسِهِ، بل كُلُّ ما يَسمَعُ يتَكلَّمُ بهِ، ويُخبِرُكُمْ بأُمورٍ آتيَةٍ.”
‮‮يوحَنا‬ ‭16:13‬

!خلينا منورين